2歲的Adarsha

在媽媽眼中的沙沙，是個明白事理的小男孩，愛看Barney The Wiggles Elmo，最鐘意一邊看一邊跳舞，鬼馬佻皮，愛模仿家姐，家姐做任何事也要跟著一起做，家姐吃什麼也要跟著吃什麼，雖然有時比較霸王，硬要從家姐手中搶玩具，不過，如果跟他好言相向及說兩句道理，他又會乖乖的把搶回來的東西還給家姐．

早在生日的兩週前，工人姨姨己開始幫細佬介片，經過了14天的特訓，能夠自已叫上廁所，雖然偶有失手，不過白天在家及外出已可以不著片，叻仔！

飲食作息方面都幾好，早上約7 時睡醒後仍要一支奶，填飽肚仔之後再小休45分鐘左右才正式起床，好識嘆的一個人仔！

細佬現在已跟大人食正餐，不過人仔細細，當然是小食多餐啦

早餐@9am ..

簡單有營，通常以麵包為主，食多士就配果占／花生醬，最近學人食無牛油既咖央多士，再加一小份水果，間中食生果麥皮餐，沙沙最愛香蕉／蘋果／乾果，白粥都食得好滋味．

午餐＠12pm ..

仍然以簡單有營為主，少肉多菜，午飯時間大多祗有細佬一個，煮通粉湯麵烏冬最方便快捷，有時食個蕃薯都一餐，再吾係，將早一晚既冷飯菜汁炒埋一碟食都吾錯．

食飽睡一睡，好過做元帥 ..

下午茶@3:15pm ..

極之簡單的水果／餅／水或湯(如有)

晚餐＠7pm ..

簡單過簡單，我地食乜佢食乜，不過細佬同家姐一樣，都係食肉獸，碗中有肉的話，一定是最快食完，其次是飯，綠色的物體都是最後冇得再揀先會食晒，其實肯食已經好好，阿媽我煩少一樣先．

飯後玩多一陣便會入房，一般都會8pm左右，睇書唱歌仔，完成所有例行公事，夠鐘去廁所洗面刷牙準備瞓覺，無驚無險又到9pm，兩姐弟碌幾碌，齊齊做個甜睡寶寶．

再講下細佬現在的食量，幾乎可以跟家姐一樣，不過食左落肚吾生肉，人人見佢都話佢瘦，以為阿媽冇好嘢比佢食，激死！

語言能力，基本上已可以講短句，但係總覺得佢講說話有口音，好似外國人講廣東話咁，希望過多一排會有改善啦，依家最鐘意講 ”吾鐘意””嚇死我””有隻蚊”(一邊講一邊做動作舉手拍蚊) ”Adarsha 吾乖”，十足一隻鸚鵡．