2009年6月5日

出發啦！Astha一早知道會坐飛機已經好興奮，我地今次坐機場快線，見到廣告上有飛機，不停手指指又講坐飛機，細佬支持吾住先小休片刻．

我地慢吞吞，搞到人地出final call 才上到機，我一個人係咁跑呀跑，希望趕先一步理想達到，好在趕得到，爸爸就拖住兩個細一仆一碌趕到，佢兩個以為玩仲笑到咔咔聲，gate 64好鬼遠丫，跑到氣咳！

終於上左機，兩位小乘客好忙咁左搞右搞，好明顯，家姐今次真係定過上次，吾似以前咁坐立不安，今趟一埋位就好似有晒經驗，又進步左啦！

坐左4個鐘，約6點多便到達新加坡，接著的6個晚上，我地都會住在uncle Sheilendra屋企．

甫踏進uncle的家，就是媽媽惡夢的開始，uncle家很大很舒服，不過連窗都大得很，仲要係無窗花，果2位小魔怪，真係一支箭咁伸手擒，睇到我一額汗，超級後悔無帶工人一齊，救命丫！